(CD/LP/DL) VINYL YN ÔL YN STOC! 140g Vinyl Du mewn llawes 3mm + lawrlwythiad o’r albwm llawn a ‘Mai: 2’: Casgliad o ailweithiadau gan Gwenno, Accu, Quodega & Cotton Wolf
Ar ei thrydydd albwm, mae Georgia Ruth yn mynd i afael a’i gwreiddiau.
Yn dilyn genedigaeth ei phlentyn cyntaf, symudodd y cerddor a’i theulu yn ôl i’r dre lle’i magwyd hi – Aberystwyth. Recordiwyd ‘Mai’ yn Neuadd Joseph Parry y dre, dros gyfnod o wythnos yng Ngwanwyn 2019. Wedi’i henwi ar ol y cyfansoddwr a’r athro, defnyddiwyd yr ystafell anhygoel hwn ar gyfer cyngherddau siambr trwy gydol yr ugeinfed ganrif. Ac yn ystod sesiwn ‘Mai’, cafodd y cerddorion y pleser unigryw o wylio’r machlud dros gastell Aber wrth iddyn nhw recordio.
“Much-needed positivity and luminous explorations of the natural world.. A daring and lovely record that deserves success.” – Irish Daily Mirror ****
“Lush Welsh pastorals and other odes to spring” – The Guardian
“Atmospheric spirituality runs through an album underpinned with natural world imagery, poetic lyrics and subtle soundscapes” – Mojo
“Utterly transfixing… beautifully arranged, played and recorded” – Adam Walton, BBC Radio Wales
Dyma gasgliad o ganeuon a sgwennwyd o grombil tŷ, tra bod plentyn bach yn cysgu.
Caneuon am y profiad o fod yn fam newydd, a’r ymgais i drio canfod defodau fyddai’n cyfleu’r newid byd. Am y teimlad o golli dy hunain, a chanfod dy hunain o’r newydd. Am y gerddi sy’n tyfu dan ddrysau cefn ynghanol y nos, a’r dyddiau sy’n llifo nôl drwy’r ffenest. Am y cysur rhyfedd o weld haul terracotta yn hongian ar wal mewn cegin yn y Gorllewin. Ac wrth wraidd y cyfan mae geiriau bythol Eifion Wyn – “Gwn ei ddyfod, fis y mêl”.
Myfyrdod ydi ‘Mai’ ar geisio darganfod gobaith yn y tymhorau, mewn byd lle mae sicrwydd Gwanwyn yn teimlo’n fwyfwy bregus. A’r ymgais i gofleidio gwylltni, a chariad.
Cynhyrchwyd yr albym ar y cyd efo Iwan Morgan (Meilyr Jones, Cate Le Bon, Richard James) a fe hefyd sy’n gyfrifol am beiriannu, micsio a mastro’r cyfan. Mae’r albwm yn dangos doniau criw arbennig o gerddorion sy’n cynnwys Iwan a Dafydd Huws (Cowbois Rhos Botwnnog), Stephen Black (Sweet Baboo), Ailsa Mair Hughes, Angharad Davies, Rhodri Brooks a Laura J Martin. Ceir llinynau byrfyfr, sacsoffon a gitar pedal-steel yn plethu gyda’r delyn – gan greu sain sy’n doreithiog a’n noeth yn ei dro.
Recordiwyd gyda chefnogaeth Help Musicians, a gyda charedigrwydd Prifysgol Aberystwyth.
Mai
From: £10.00
(CD/LP/DL)
VINYL YN ÔL YN STOC!
140g Vinyl Du mewn llawes 3mm + lawrlwythiad o’r albwm llawn a ‘Mai: 2’: Casgliad o ailweithiadau gan Gwenno, Accu, Quodega & Cotton Wolf
Ar ei thrydydd albwm, mae Georgia Ruth yn mynd i afael a’i gwreiddiau.
Yn dilyn genedigaeth ei phlentyn cyntaf, symudodd y cerddor a’i theulu yn ôl i’r dre lle’i magwyd hi – Aberystwyth. Recordiwyd ‘Mai’ yn Neuadd Joseph Parry y dre, dros gyfnod o wythnos yng Ngwanwyn 2019. Wedi’i henwi ar ol y cyfansoddwr a’r athro, defnyddiwyd yr ystafell anhygoel hwn ar gyfer cyngherddau siambr trwy gydol yr ugeinfed ganrif. Ac yn ystod sesiwn ‘Mai’, cafodd y cerddorion y pleser unigryw o wylio’r machlud dros gastell Aber wrth iddyn nhw recordio.
Description
“Much-needed positivity and luminous explorations of the natural world.. A daring and lovely record that deserves success.” – Irish Daily Mirror ****
“Lush Welsh pastorals and other odes to spring” – The Guardian
“Atmospheric spirituality runs through an album underpinned with natural world imagery, poetic lyrics and subtle soundscapes” – Mojo
“Utterly transfixing… beautifully arranged, played and recorded” – Adam Walton, BBC Radio Wales
Dyma gasgliad o ganeuon a sgwennwyd o grombil tŷ, tra bod plentyn bach yn cysgu.
Caneuon am y profiad o fod yn fam newydd, a’r ymgais i drio canfod defodau fyddai’n cyfleu’r newid byd. Am y teimlad o golli dy hunain, a chanfod dy hunain o’r newydd. Am y gerddi sy’n tyfu dan ddrysau cefn ynghanol y nos, a’r dyddiau sy’n llifo nôl drwy’r ffenest. Am y cysur rhyfedd o weld haul terracotta yn hongian ar wal mewn cegin yn y Gorllewin. Ac wrth wraidd y cyfan mae geiriau bythol Eifion Wyn – “Gwn ei ddyfod, fis y mêl”.
Myfyrdod ydi ‘Mai’ ar geisio darganfod gobaith yn y tymhorau, mewn byd lle mae sicrwydd Gwanwyn yn teimlo’n fwyfwy bregus. A’r ymgais i gofleidio gwylltni, a chariad.
Cynhyrchwyd yr albym ar y cyd efo Iwan Morgan (Meilyr Jones, Cate Le Bon, Richard James) a fe hefyd sy’n gyfrifol am beiriannu, micsio a mastro’r cyfan. Mae’r albwm yn dangos doniau criw arbennig o gerddorion sy’n cynnwys Iwan a Dafydd Huws (Cowbois Rhos Botwnnog), Stephen Black (Sweet Baboo), Ailsa Mair Hughes, Angharad Davies, Rhodri Brooks a Laura J Martin. Ceir llinynau byrfyfr, sacsoffon a gitar pedal-steel yn plethu gyda’r delyn – gan greu sain sy’n doreithiog a’n noeth yn ei dro.
Recordiwyd gyda chefnogaeth Help Musicians, a gyda charedigrwydd Prifysgol Aberystwyth.
Additional information
Finyl Potel Tryloyw, Finyl 'Heavyweight' Du, CD